நூல்களை மின்வடிவமாக்கும் பணியைத் தேவையான தொழில்நுட்ப அறிவும் ஆற்றலும் உள்ளவர்கள் மேற்கொள்வர். அதற்குப் பொருத்தமானவர்களைத் தேசிய நூலக வாரியம் நியமிக்கும். எனினும், நூல்கள் மின்னாக்கம் செய்யப்பட்டதும் அவற்றை மெய்ப்புப் பார்க்கும் பணியைச் செய்யப் பல தொண்டூழியர்கள் தேவை. பிழைத் திருத்தம் கணினியில் செய்யப்பட வேண்டும். தொண்டூழியர்களுக்கு இணைய வசதி இருத்தல் அவசியம். இணையம்வழிப் பிழைத் திருத்தம் செய்வதில் அனுபவமுள்ளவர்கள் திருமதி மகாதேவி பாலாவிடம் devibt@gmail.com.என்னும் மின்னஞ்சல் மூலம் பதிவுசெய்துகொள்ள வேண்டும்.

இரண்டாவதாக, குறிப்புரை எழுதுவதிலும் உதவி தேவை (குறிப்புரை குறித்து மேலே பார்க்கவும்). குறிப்புரை எழுத விரும்புவோரும் திருமதி மகாதேவி பாலாவிடம் பெயரைப் பதிவுசெய்துகொள்ள வேண்டும். மெய்ப்புப் பார்ப்போருக்கும் குறிப்புரை எழுதுவோருக்கும் தமிழ்மொழியில் ஆற்றல் தேவை. இதில் அனுபவம் இருப்பது இன்னும் நல்லது. தமிழாசிரியர்களும் தமிழ்ப் படைப்பாளர்களும் இப்பணிக்குப் பொருத்தமானவர்களாக இருக்கக்கூடும்.

பணிகளைப் பகிர்ந்தளிக்குமுன் மெய்ப்புப் பார்ப்பவர், குறிப்புரை எழுதுபவர் ஒவ்வொருவருக்கும் தமிழ் மின்மரபுடைமைத் திட்டக்குழு முழுமையாக விளக்கம் அளிக்கும்.