• அவை தமிழில் எழுதப்பட்டிருக்க வேண்டும்.
• அவை, கவிதை, சிறுகதைகள், நாவல், தமிழ் இலக்கியக் கட்டுரை போன்ற இலக்கியப் படைப்புகளாக இருக்க வேண்டும்.
• சிங்கப்பூரர்கள் அல்லது சிங்கப்பூர் நிரந்தரவாசிகளால் எழுதப்பட்டிருக்க வேண்டும்.
• மற்ற எழுத்தாளர்களால் எழுதப்பட்டதாக இருந்தால்,அவற்றில் ஒரு சிறு பகுதியேனும் சிங்கப்பூரைப் பற்றியதாக இருக்க வேண்டும்.
• அவை சிங்கப்பூர் சுதந்திரம் பெற்ற 1965ஆம் ஆண்டுக்கும் 50வது சுதந்திர ஆண்டான 2015க்கும் இடைப்பட்ட காலத்தில் வெளியிடப்பட்டிருக்க வேண்டும்.
• அவை தேசிய நூலக வாரியத்தின் தொகுப்பில் இடம்பெற்றிருக்க வேண்டும்.
• பதிப்புரிமை பெற்றிருப்போர் அவற்றை மின்வடிவமாக்க அனுமதி தந்திருக்க வேண்டும்.

சிங்கப்பூரில் தமிழ்மொழி, இலக்கிய வளர்ச்சிக்கும் அதைப் போற்றிப் பாதுகாப்பதற்கும் தங்களை அர்ப்பணித்துக்கொண்ட தனிப்பட்ட சிலரின் முயற்சியில் உருவானது இந்தத் தமிழ் மின்மரபுடைமைத் திட்டம். அவர்கள் தங்களைத் தமிழ் மின்மரபுடைமைத் திட்டக்குழுவினர் என அழைத்துக்கொள்கின்றனர்.

த.மி.ம குழுவோடு தேசிய நூலக வாரியமும் ஒன்றிணைந்து செயல்படுகிறது. மேலும் தேசிய மரபுடைமைக் கழகம், தேசியக் கலை மன்றம், சிங்கப்பூர்த் தேசிய புத்தக மேம்பாட்டு மன்றம் ஆகியவையும் இத்திட்டத்திற்கு ஆதரவு வழங்குகின்றன.

தங்கள் நூல்களை மின்வடிவமாக்க ஒப்புதல் தரும் தமிழ் எழுத்தாளர்களின் ஆதரவும் இந்திய சமூகத்தின் ஆதரவும் இன்றி இத்திட்டம் சாத்தியமாகாது.